懶音

以前白姐姐做電台節目時，成日話班後生懶音嚴重。當時都未知有乜問題。

後來遇到條友，懶音真係好大鑊。佢話去深圳突桔，原來係揼骨。我話你千祈唔好認我係你朋友，因為佢叫我貧友。

最近聽到兩個所謂玄學家的懶音都好有問題。有個Ａ，佢話要拜撐。原來係拜懺。

另一個Ｂ仲有趣，金剋木呀，你要小心你個肛有事。大佬，係肝呀。

令我又想起放生佬。自從佢轉行做的士佬，就冇再講Ｄ放生呀，拜神野。到我話我收山唔再寫程式，佢就再冇搵過我。

雖然成日話玄學並非精密科學，但係我覺得仲難過科學。你連肛同肝都講唔清楚，我就唔信你會學得到任何術數。放生佬都係，真係成日朦鳩查查，佢唔搵我，應該係我行運勒。