惡向膽邊生

星期一朝早，一早去自助洗衣。等待期間，難得放假，早一日又贏了馬仔，一於偷得浮生半日閒，去附近的海連茶樓嘆茶。

叫了雞絲粉卷，食第一啖，已知大錯鑄成。層皮又鞋，只係微暖，內饀亦不熱。好明顯係昨日賣唔去，今朝再蒸，但又怕蒸爆皮，不敢蒸太耐。

結果，就屙左我成日。

心中有恨，如何平衡心理呢？

又想到了。網上看到，一些KOL猶如黑社會收陀地，頻頻向食肆敲竹杆，好似收租咁，定時就來收片。

咁我就上小紅書搵晒有關呢間野的片，逐個留言。

死未，又要畀錢，又變成負面宣傳。咁無良丫拿！