第三日 18/09/2026

昨晚五點鐘，就衝去美心，用YUU積分，換左個焗豬扒飯。呢個故事教訓我，做人唔好咁固執，唔好怕蝕底。總的來說，蝕左九千五積分，被人當猴子耍，都好過食左垃圾落肚。

豬扒，好似用瓦通紙皮壓成，丁點肉味都冇。食完之後，成晚不停飲水，都解不了渴。以後都唔食美心MX。

不過昨晚做左件事，幾開心。就係買左個燈籠和蠟燭，返屋企熄晒燈，點起燈籠掛在窗前。本來想走上天台玩，不過我怕食神老豆返來。

＝＝＝

今朝訓到五點醒一醒，又訓返。到七點半再醒，唔可以再訓啦，因為再唔去洗衫、就要著士必賭當底褲啦。

晨早流流，太陽已經很猛，行幾步已經身水身汗。攪定一切，已經十點。今日做乜好呢？上城門已經太遲。心中轉過幾個念頭，入大澳睇下中華白海豚？去沙田博物館睇哥哥展覽？去大埔、元朗遊車河？

想下想下，個肚又餓，都係煮個意粉當午餐先啦。食完或者來個午睡，咁就似放假勒。