一條友，攪極都係老鼠尾生瘡，大極有限。今年，我要有雞有籮柚。
而家去超市買個柚子，真係好平，好唔好食另一回事。
然後，一定要有雞。２４號一早，我就會去買隻冰鮮雞。咁就好多變數勒。
先將隻雞鹽醃佢廿四小時。到２５號正日，一早就將佢洗乾淨，然後蒸鹹雞。蒸出來的雞油，就炒白菜仔。
隻雞就用來拜地主。攤凍左，就起一對髀，和胸，做個無骨雞飯。再自製薑蔥蓉。
其餘雞肉，就拆絲，留返第二朝煲雞粥。
剩返個雞架，就用來煲花旗蔘雞湯。已經去樓上買左個湯包，明天就依計行事。
呢隻雞，唔知邊隻咁唔好彩，會被我用到盡。。。
沒有留言:
發佈留言