某一日

已經忘記，到底係星期一，還是星期二，因為日子過得飛快，冇時間悲傷，冇時間去興奮。總之，某一日，我批灰了。

網上阿昌師傅講過，桶裝灰比菜膠灰難批。我第一身體會到了。廿年前，同一間屋，我就自己批過灰。不記得何來的勇氣，自己去買了菜膠和福粉，就攪了一鑊勁。當年真係傻，攪了一大餐，做到痔瘡突出，吸了大量灰塵，咳左成個月。

係個灰池唔好？係桶裝灰比輕硬？唔好諗勒，最大問題，都係我功夫唔到家，又冇耐性冇恒心。批十下，都有一下會全無痕跡，但係就冇心機去持久作戰。

一桶五公斤的灰，大約批了四公斤，已經扯白旗投降。蓋返好，等個人回復鬥志再批過啦。如果桶灰乾晒，咁就好囉，唔駛做囉。