正確刷牙方法

昨日有事要出城辦，冇時間煮飯，就走去食個兩送飯。

呢類富豪飯堂一定要搭檯，坐斜對面的，係一個六十左右的大叔。我剛開始食不久，佢就食完。放低一支筷子，用另一支插入口中，由右至左，在上面牙齒和牙肉間橫掃。跟住又由左至右掃一次。再跟住，在下面重複一次。

然後心滿意足咁舔下筷子頭。確保有乜食物殘渣都唔好浪費。

呢位大叔一定係智識份子，佢呢個就係正確刷牙方法。