星州炒粉腸

今朝收工，去左大街市，買了豬腸粉，芽菜仔等。切d洋蔥絲，甘荀絲，炒埋一碟，加咖喱醬，整色整水，色香味都唔錯。

十蚊腸粉有十條，炒一半，唔夠食，結果炒晒，又太多，要分兩次食。

===

昨晚開工，巴藉同事頂我位。條友成日一埋位就訓，試過幾次，辣更車來到佢都唔知，冇通知管理處。

昨晚又試係咁。本住互助精神，我就打電話去叫佢起身，通知佢阿頭落緊來，執生。

然後輪到我頂佢位時，佢話，佢唔係訓左覺，係去左廁所。我火都來，得，咁我以後唔打電話畀你。

佢仲話，咁咪唔打囉！你做乜咁嬲啫。

得勒得勒，你當我傻既，我以後唔打電話。

因此，兩個鐘後，阿頭返來，以往我係會用對講機通水，我都慳返。以後都唔做好人勒。

其實十次有九次，去接位時佢都訓著覺，何必仲要呃我係去左廁所？你惹起我把火，蝕底都係你，我冇損失。真係蠢到死老母。