龍年運程

其實唔駛聽乜鬼師傅吹，幾十歲人，自己都知新一年會行乜野運。

只要你觀察一下，新正頭自己的心情如何，就知道當年食粥定食飯。

二月四日立春，理論上進入了龍年。現在剛過了雨水，即係已經半個月，呢段時間過得怎樣呢？

呢半個月，一餐飯都未煮過，心情鬱悶，加點急躁，都係莫名奇妙，毫無原因的。所以我相信，今年將會麻撚煩了。

有見及此，星期一捱住腳痛，走了一轉大城石澗，吸收日月精華，釋放負能量。對付惡運，唯一方法就係運動。

今年第一件好事，就係咳了整個月，呢兩天開始好轉了。

下一步，係要檢討生活模式，睇下點樣加插運動時間。

春天到，袪濕湯水都要週週有。

不求長壽，只求少病痛也。