冇運行

呢兩日，人人都講美斯。

做一個人人愛戴的人真係辛苦，一有些少唔妥，就立即被踩落地底。查實佢去得美國踢，都係將剩餘價值用到盡，搵到盡就掛靴，之後做唔做教練，慢慢再講。英式足球，在美國搵鳩睇咩，唯一搵真銀途徑就係靠表演賽，世界巡迴，享受埋最後的光輝。碧咸就係樣版，而家掛個名係班主，其實都係利用名氣，做個演員，帶一班明星一齊搵食。

所以，如果價錢唔岩，佢地都費事踢，做爛個市以後點搵食。收得你錢，佢又唔會欺場，做臭個朵，以後點搵食？

今次做到反晒面，一定係有人想老屈，有人不甘被屈啦。政府第一時間就出來講，資助的千六萬可能出唔足，要求好好交待。主辦機構第二日就出來講撤銷千六萬的申請，我都冇要你錢，我得撚閒向你交待！咁事情就大概有眉目了。

所以美斯去到日本，幾乎可以肯定會落場。我話既。

真相會係點，我地普地人係唔會知架勒。由得班KOL亂咁作去抽水啦。但係圈內人，就一定會廣為流傳。到時損失一定係香港，冇球隊肯來香港踢。而美斯要再踢，大把地方歡迎。

香港開始行衰運了。