開火

終於恢復煮食。

由韭菜煎蛋開始，再做蛋治早餐。更的起心肝，搬出電子瓦𦉘，煲了魚腥草袪濕湯，飲完真係有效。

呢兩日更使出移形換影，買個叉燒燒肉飯，第一日就用叉燒炒了揚州炒飯，第二日就豆腐火腩，好有成功感。

個人動起來，今日就去牛頭角理髮，之後出佐敦麥文記食雲吞麵，再落裕華買了一套五款的湯料，打算好好利用個電子瓦𦉘，調理身體。

自己知自己事，副老骨頭愈來愈懶，不單止身體差，連動力都衰減。連條腸都好似唔肯郁。再唔活動活動，好快死得。