斬雞

傷風咳最難纏，成日反反覆覆。喉嚨成日痕，咳嗽時痰涎咳極唔出。另一方面，昨晚兩送飯點了味菜豬肚。我都話啦，鹹菜益生菌豐富，於是，晚上八點食飯，半夜四點就急。一邊屙就一邊咳，好在夜闌人靜，冇人見到醜態。誰不知，四點屙完，八點又急，回家第一件事就係鑽廁所。

===

偷懶幾日，雪櫃內的食材要清理一下了。有三個蕃茄，兩棵娃娃菜，兩個雞蛋，兩個彩椒。早餐消滅了雞蛋和一隻蕃茄，晚餐要向娃娃菜入手。

想來想去，斬左半隻雞，淥娃娃菜，食得飽飽。明天對付其餘的。

===

近日工作期間，減少了滑手機，改為數呼吸。其實數息法，係佛法修行的入門功夫。當然，我唔奢望有乜成就，只求換取片刻寧靜的感覺。

好奇怪，數息期間，有種空寧的感覺，覺得任何事，都係到頭一場空，何苦去糾結？

有時想起舊事，一些不平事，仍然扯火。其實對自己重覆傷害，自知笨實不已，但係偏偏怒火就係控制不了。

如果可以放下，真係勝過中六合彩頭獎。不過最好就又放下又中大獎啦！哇哈哈！