提防小人

最近23條立法咨詢，又好多人講野。包括葉劉淑儀。我地老人家，睇野唔止一個橫切面，會睇埋前世今生。我認為2003年五十萬人上街，有起碼一半係因為呢個婆娘。

若非攪到咁大鑊，23條都唔會拖咁多年，若果立左法，14年佔中可能唔會發生，19年黑暴，更加唔會出現。

運程書成日話乜乜生肖要提防小人，呢個八婆就係標準的小人。我唔計03年佢嘴藐藐，叫人放長雙眼睇啦！你信我啦！一副你識乜撚丫的嘴臉，就講19年反修例風波，佢表面支持特首修例，其實係風頭火勢，推人去死。班友去堵塞稅局，佢就火上加油，話其實你都唔係交稅果班人，做乜堵稅局。篤正窮撚死穴。

小人唔止佢一個，仲有特首隊下任特首候選人，點知佢當選，隊反轉頭，攪到佢破財兼入獄。兩個都係小人。

佢地報應都來得快，每逢國慶升旗禮，坐監特首都有出席，不過電視鏡頭都避開佢。龍蝦老公仲快，未卸任就被國家領導人趕落飛機，想同主席握手，人地視而不見。

不過千萬唔好當面提呢d事呀！小人一定出陰招害你架。

其實每個階層都有小人，就算學生時代，想返轉頭，有d人真係有小人的天份。

明天就係立春，之後就踏入龍年，希望新一年，老天有眼，小人們害人終害己。