隊到十二點幾，咦！今日跑馬喎，打開手機發達程式，第一場仍未開跑，是但啦，就買潘頓披士啦。通常我一定唔買冠軍騎師，一來成日大熱門，你唔買佢，佢又阻頭阻勢，贏左你隻馬。你買佢，中左都冇錢分，仲成日跑到無影無踪。現在就唔同了，潘頓好似食左屎咁，成日成為失踪人口，成日冇馬贏。派彩就有了可觀性。
買完已經眼睏，上床去也。再有知覺，已經係晚上八點。心內十分自責，做乜平時訓得三、兩個鐘就醒再訓唔到，放假就訓到死豬咁？白白浪費了一天。可能係自幼被長輩誤導，做人要有責任，返工唔能夠遲到，心掛掛，鬧鐘未響就醒。最近睇左一個視頻，真係講得好。佢話，大家打工，都係因貧窮相遇，做乜有D人扮到自己高人一等，吊佢老母啦。打工就係帶薪拉屎，上班摸魚。老闆只會畫餅，同事只會派瓜，吊佢地老母啦。從來冇人臨死時，會後悔自己冇打好份工。
其實網上視頻，一百段中，有一百段廢話，好似有一段叫做：假如你中左彩票頭獎不能做的十件事。我吊你啦！成個地球有幾多人中到頭獎丫。冇錢就話乜都唔做得，中左頭獎仲唔做乜唔做物，咁中來做乜？
又好似有D，話要不斷學習，因為書到用時方恨少，學左將來話唔定大派用場。其實有對有錯。的確，我廿多歲時學了一樣野，到我五十幾歲時方用得著，解決了一個工作上的大問題。但係結果呢？我好後悔，間仆街公司成間垃圾，尤其是個仆街老細，我為乜要幫佢解決問題呢？我估我臨死時，一定後悔為呢份工做左咁多。
＝＝＝
晚上八點鐘，點好呢？又唔覺肚餓，又落街買啤酒，然後睇電視。明珠播乜柒悍戰太平洋，吊佢老母，黐撚線，都唔知做乜。轉去VIU睇BRIDGET JONES。英式幽默有時都幾好笑。
睇完又訓，再醒來，係五點四十分，今日睡眠時間，補充了整個星期的不足。咦！昨日買左馬喎，上網一查，中左，十蚊派廿一個半。總算有贏。其實現在已經對賽馬冇晒興趣，只係百無聊賴，買十蚊來玩下。
有點肚餓，沖壺茶，落街買個鳳爪排骨飯食。呢間仆街茶樓，蝦腸得一隻蝦，糯米雞縮水，但係就連連加價。鬼叫佢現在這區係獨市咩，唐記要到七點至開，咁早冇其他選擇。
食完飯，屙完屎，就決定上城門水塘。
上了往城門水塘的小巴，等了一會才開車，但係個司機就走去石圍角小巴總站接了幾個客。行左冇耐，司機就問往石圍角的幾個學生哥，可唔可以唔入石圍角，在外圍放低佢地，自己行過去。問左幾次，都冇人應佢。呢個時候，有個正義大叔就發言，你去人地總站接人，現在又唔送人去目的地。司機胡言亂語一番，一路行車，一路鬧另一架小巴，話人地都唔知點開車。總之就煩氣。我差D就忍唔住要開口吊佢老母。
一路行，司機就一路廢話。到正義叔落車後，佢就話：哼！脾氣暴躁。脾氣暴躁。我心諗，我去水塘，就係想洗滌心靈，點知遇著你呢個發瘟。好想打柒個司機。
到了水塘，急急落車，要遠離呢個仆街司機。如果我有炸彈的話，我一定連司機帶車，炸到佢粉碎。
＝＝＝
極速走入水塘，去到水塘邊，個人稍減煩躁。除去雙鞋，赤腳接觸大地，個人先開始回復正常。
心諗，世上何其多人黐鳩線，仲夠膽講到出口，要人地去遷就佢黐鳩線。人地指出佢錯，仲話人黐鳩線。就好似我樓下個臭西，成日丟垃圾在樓梯口。經過我問佢兩個女見唔見到邊個丟垃圾，而家佢就收埋兩個女，唔畀佢地在梯間玩。但係丟垃圾就變本加厲。
有時我問自己，係咪太多事，搵來煩。以我老媽子的處世方式，佢一定會話我做乜咁勤力呀！？
在水塘的寧靜環境下，我突然想到一點。個法團主席咁多年來貼了咁多警告，又成日自己去清垃圾。點解你唔一早裝閉路電視呢？有賍有證，到時去報警，罰佢三千，咁咪大家安樂囉。我擺兩圍請大家慶祝都得呀！想到這處，真係唔抵可憐。我唔係乜野正義，只係切身利益。好似前幾日天氣轉暖，垃圾引來蚊蟲，行過都惹到一身都係。真奇怪，呢個垃圾蟲家庭，佢地住閣樓，蚊蟲一定飛到佢通屋都係，兩個女在梯間玩耍，一定被蚊蟲叮咬。只能說，賤人就係賤。
賤人何其多！
好似之前份工，成日出唔足糧，你劈炮唔撈，佢就搵人來馬虎地扮留你。佢地永遠唔會正面回應你辭職的原因，只係話，做生不如做熟丫嘛，唔好走啦。咁我當然吊佢老母就走啦。事後想到真正原因。
第一，佢出唔足糧，話係系統有缺陷，我吊你老母啦，咁去修補啦，缺陷咁多年都唔改？呢條數唔野少，我一個人一個月，都被騙去四、五百，呢個部門起碼二百人咁樣被騙，一年就一百幾十萬。個經理年底花紅係睇業績和收入，咁佢就好和味。
第二，呢行咁缺人，走左人要補充好煩。但係因為公司有個新人獎制度，介紹新人入職，做滿試用期，就有三千元介紹費。咁，有人辭職，佢就派個手下網上招聘，你來應徵，就要用佢員工編號做介紹人，非經此途徑，就拜拜你條尾。如是者，你唔走，佢都迫你走，收介紹費好過正職份人工。
你在明，賤人在暗，你就受委屈，佢就發過豬頭。不過，我相信佢地搵埋咁多陰質錢，到最後都唔夠畀醫藥費。
沒有留言:
發佈留言