仙杜拉名句

唔好唔記得笑呀！

昨日收工，去大家樂食早餐，貪佢有件蘿蔔榚，食完拿拿聲返屋企訓覺。中午醒來，見天色唔錯，出發上竹林禪院。近來發覺肌肉流失，要多D撐斜路鍛鍊。行到氣來氣喘，咳出一口濃痰，再來一篤鼻涕，成個人舒服晒。

行完又回家一眠，然後準備開工。今次去個新地點，路遙遠，又唔熟路，要早點出門。果然，因為天黑關係，總要走了冤枉路，不過都冇遲到。工作本身就極輕鬆，但係因為地理位置，到半夜真係凍到仆街。好在我醒，帶多條褲，著上就可以有一覺好睡。未來三天都係去呢個場，一定要自備暖風機。

＝＝＝

美斯事件，最後主辦機構投降輸一半。唉！咁就真係死直。以後仲邊有人敢攪呢D所謂盛事丫。特首你條路好難行了。就算有人敢攪，香港個朵都臭，巨星得閒啋你。香港人，只好苦笑了。

最好笑有個議員話，ROD　STEWART唔來香港，都係西方打壓。呢條友都成四十歲，見環球時報開聲，就叻唔切，扮醒目。你知唔知ROD　STEWART係乜水呀？

呢條友成名作係MAGGIE　MAY，１９７１年發行，巔峰時期的大碟FOOTLOOSE　AND　FANCY　FREE，我都有一隻，係１９７７年出版。佢來過香港，出席香港小姐決賽，頒獎畀狄寶娜摩亞，你梗係唔知啦，你都未出世。

即係話，呢條友的粉絲，仍在世，冇中風、冇撞聾、行動自如的，起碼都好似我咁，六張野啦。如果有樓有股票的，過去一年身家大縮水，仲邊有興緻去睇演唱會丫。冇樓冇股票的，好似我，諗都唔敢諗啦，D飛咁撚貴。你班後生既，仍有搵錢能力，美斯五千蚊飛都買，洗左咪搵過囉。老人家唔係，洗左就冇左，就算有錢，都留返養老啦。

咁點解去日本唱？咁你不如答我，點解MICHAEL　JACKSON去日本開過演唱會，冇來香港開丫？

香港有咁既人材，只好。。。笑。