投降

咳嗽嚴重，唯有轉求諸西藥。昨日買了幸福化痰素，食了一日，似乎略有些好轉，希望唔駛病住過年。我好怕西藥，食完頭暈暈，對症還好，試過食完仲差左，咁就氣頂啦！試了中藥唔得，都要投降，試試西藥。

年尾時份，好多事要準備。

例如理髮，最好過年前一星期剪，咁就靚靚過年。但係好難控制的。今年就三個星期前，實在頭髮太長，我投降，忍唔住就剪左。

本來打算執拾好家居，掉棄垃圾。但係呢幾日都唔精神，日訓夜訓，算了算了，我投降，唔鳩理啦！上天台安裝魚骨天線，當然又要拖啦。。。

今日本來想去街市掃貨。但係在外圍已經人多到插唔入。唉！過年去幫襯大家樂算了。

唔好以為我乜都冇做。我已經買定八公斤米，花生油，蝦子麵，米粉，公仔麵，和茶葉，點都唔駛捱餓。又因為新年假期都要開工，我買定兩支蒸餾水，到時就算士多休息，都唔駛去七仔買貴水。

做得的我都做盡，其餘理柒佢啦！