唔好傻啦

我夠膽講，而家香港傳媒，已經無恥到谷底，不能再無恥。

你睇下D新聞，標題係：有條撚樣，賤格成咁，乜乜物物。然後加一幅相，個人樣被一個圓圈，中間一個秘字遮住。咁樣引你入去睇，就係為多一個點擊。你入到去，根本都唔係那回事，我吊你老母呀。

又有D，直情兜口兜面詐騙。之前我都講過，阿嬌忽肥忽瘦，仲有報導話佢仙氣爆棚，大佬，佢被人叫黑鮑係幾多年前的事？黑鮑都會變迷人PINK　LADY？仲仙氣添？腥氣咋卦？

另一個本來我對佢都冇意見，但係你班友吹到咁過份，忍唔住要吊，開名都唔怕，就係陳自瑤。大佬，簡直係殘荷一葉，家燕姐神采風姿都贏佢幾倍。哥哥姐姐，你地收左柯打做野，都唔好掩沒自己良心得咁盡，唔好當全世界人係盲架。

仲有一班電影佬，乜撚野電影都話有HEART，導演、演員超水準。毒舌大狀票房過億，係票價高啫。你計返PPP，高唔高得過半斤八兩？

你地咁樣殺雞取卵，以為咁就搵到食？唔好傻啦。我相信，好快就連免費的網媒都冇人睇。到時全港死直，剩返捕魚業，變返漁港，唔好怪人，係你地做成。