腎虛

最近覺得對眼乾澀，成日標眼水。記得十年前，試過一吹風就猛標眼水，用杞菊地黃丸對付，立即改善，於是照做。

食左兩日，的確有效，而且有額外收獲，就係睡眠品質改善。平時訓兩小時左右就會醒，多數不能再睡。但今日就一野四個鐘，仲係熟睡。人地話心腎相交才會睡得好，看來係腎虛了。

唉！年輕時身體自己會修復，如今年老了，要藥物幫一幫了。

最近有個同事入廠，原來要通波仔。條友剛六十五，平時有跑步，又唔係肥，突然心口痛，一驗就話要通波仔。

上網睇過收費，公院都要七萬，而且要先付按金，你想通霸王波都唔得。萬一輪到我，又畀唔起錢，都唔知點算。

不過，都唔驚得咁多，疾病千百種，要驚就天光驚到天黑。有一日過一日啦！