痛快

縱使蚊子多麼可恨，不得不承認，佢係幾咁神奇。細個時去買紅蟲餵魚，金魚佬搵支叉撩下撩下的蟲蟲，你又點睇得出，有朝一日，佢係會飛的，仲會襲擊你。

蚊就似現實世界中的撚人，不停消耗你的精力，終日無所事事，在你周圍嗡嗡嗡，煩撚住你，誓要吸乾你自肥。就算你偶而會打到佢，但發覺一手係血，佢已經目的達到，你只算係慘勝。當你消滅了一個撚人，第二個，第三個，又在伺機行事。

一直都處於被動位置，只能求神拜佛，希望蚊子不要來。自從有了電蚊拍，一切扭轉過來，我是多渴望多蚊多蚊多多蚊。

打蚊最難在佢神出鬼沒。呢刻佢出現，你伸手拎拍，佢就消失得無影無蹤。但係解決難題係我強項，只要學Michael Jordan 咁一轉身再fade away，仆街蚊就現形，一揮拍，就閃出白光，霹拍霹拍，太監陳你仲唔死！有時打得唔應，原隻蚊跌在檯上，我就撿起來，放在拍上，中風撚，你玩完啦！撳電掣，霹拍霹拍，一輪白光，燒到渣都冇。

簡直係無得頂。