正如，我已經改變

過去一年，有很多事情，出乎意料，令我不禁要檢示，我一向的信念，有幾多仍然有效。好似，黃栢文原來係嘉玲個仔。真係驚天動地。我一向以為學結他，古典結他比民謠結他易學，原來錯撚晒。最近一次，係得知原來萬世師表，孔夫子，唔係姓孔。吊佢老母，咁佢姓乜呀？原來姓子，孔氏。原來姓和氏係兩樣野。

震撼過後，生活仍是要繼續。

自從我發現了一間兩送飯只賣廿八蚊，質素不太差，我就懶得自己煮，多時都係買外賣回公司食。一次，兩次。。。我發現了公司有一個隱秘角落，冬暖夏涼，可以靜靜地享用我的晚餐。每次我放下背包，拉好櫈坐，然後打開飯盒，心中就有一股滿足感。我唔駛多謝耶穌，多謝佛祖，實實在在的一盒飯，我有得食，我就充滿了contentment。廿八蚊咋！我每日可以選不同菜蔬，瓜菜豆，十字花科，冬瓜蘿蔔。。。肉類有豬牛雞，甚至魚。

＝＝＝

最近又有一個想法。打麻雀大家都係為求食糊，如果食到十三夭，大四喜，大三元，食到糊仲食到咁珍貴稀奇的牌，是多麼的可貴啊。但係呢個遊戲就係零和，你要食，我就頂死你唔准你食。但係，我忽然想，點解唔玉成好事，令人食出一鋪所謂奇牌呢？十三夭有幾何出現，邊個食都好啦。你想像下，一家食出十三夭，其餘三家一齊鼓掌，係幾咁美好的事？

＝＝＝

就在這時候，我在油管燒時間時，撞上一些關於一套日本片的資料。係２０２３年役所廣司主演，德國佬導演的，新活日常，Perfect Days，或者譯作完美的人生。

役所廣司因此片得了康城影帝。現在香港百老匯電影中心仍在播放。票價一百蚊左右，老坑好似有優惠。一百蚊，單係睇片末役所廣司的表演，已經值回票價。

我睇左一些片斷，又睇左導演和役所的座談會。導演好老實，話其實冇講到主角的背景，想觀眾自己去推敲。

幾十年前，嚴浩拍了似水流年，學校有人辦了座談會，請來導演和斯琴高娃。當年我都喜歡扮文青，去了聽講。聽完一頭霧水。現在一把年紀，先至明白，導演都係想觀眾去揣摩，捉摸佢心意，就係一個尋知己的遊戲。佢唔會講到白，我係咁咁咁，想你咁咁咁。有人捉到佢意思，佢就好撚過癮。

現在睇了一些介紹電影，分析電影的片，只講一句，你班友識乜撚丫？只為流量和點讚去賺錢。

我單睇片末役所駕著汽車，臉上表情，忽笑忽哭，我就知係乜事啦。

役所廣司的確係一個偉大的演員。但我唔會去睇套戲，因為無謂再受二度傷害。