污染

早兩個星期，去左行山，係一條未行過的路線。因為攀升速度極快，天氣又熱，不到半小時就棄械投降，原路折返。之後兩日，大腿肌肉痠痛，開心得我死。這種感覺，太久違了。頓時覺得，我呢部老爺車，仍有不少里程。

更神奇的是，腦海中有一個構想，覺得大有可為。

這些日子，一心躺平，一切不存希望，有一日過一日，點解會突然轉變。

===

有人話，香港樓面，全年憤怒。這兩個星期，親自體驗到。

一日，去美心食個窮撚飯。見托盤上除了飯還有一碗湯，就問個哥仔個湯係咪跟埋。條粉腸好不耐煩講，咩呀！

又一日，去街坊茶居。見到有點心出，就同阿姐講，唔該雞絲粉卷。阿姐好不滿，講，你唔見我好忙咩？你坐定定等啦！

===

我無意探討服務業質素問題，係咪因此造成北上消費。。。

我只係關心，事情對我的影響。高強度運動令我歡愉，受氣令我不快。我當然想追求歡愉，避開不快。因為太多不快累積，就容不下歡愉。整整下，我就全年憤怒。

===

其實結論好簡單，人可分為東方和西方，不過西人愈來愈多，與西人互動，梗係不快啦！

人地話大隱隱於市，處於西人中仍可怡然自得，牛！