做死老坑

今日忍無可忍，終於要攪清潔了！事緣我的音嚮系統，有一邊聲道多雜音，係時候清理了。而且早前拉過天線，只駁了電視，未駁收音機，今日一次過攪。

我想得好理想的，洗好米，校好時間掣，五點煮好飯，煮個蕃茄炒蛋，咁就清埋個雪櫃。

攪得音響，就要攪好張檯面。唉！真係大陣仗，抹抹抹，執下，掉下，順便洗埋個屎坑啦。天氣潮濕，霉菌多到不得了，洗到我一身大汗，就先沖個涼，再去攪接線啦。

一身清爽，心境寧靜，咁場景去接線，十拿九穩勒。

點知攪完一試，電視ok，但收音機冇聲。。。反反復復，都係唔得。仆街勒，夠鐘返工添。

唯有收鑼，明天再算。上班路上，細心啄磨，最大可能係條同軸線。係從淘寶買的，可能係劣質貨，訊號耗損。。。

仲有煲飯，明天炒冷飯啦。哎哎！做左大半日，腰痛添。如果要換過條線，咁就真係捉蟲了。