阻滯

上回講到，個收音機冇聲。我問個識電子的朋友，佢話，無謂攪，上淘寶幾十蚊就有個，好好聲。講多兩句，原來條友現在掛住湊女，怪唔得咁耐冇音訊。

我條氣就係唔順，搬家中另一個收音機出來試，一樣情況。上網睇資料，連線路圖都搵到，雖然我識條柒。咁點呢？一時三刻都想唔到方法。

其實最近都唔止呢單野有阻滯。最大阻滯，係端午食隻粽，之後就唔暢通。一定係美心用劣質糯米，塞住我條腸。六月十日端午，我係早兩日的星期六，即八日食。之後就唔妥。

開頭係隔日先出到貨，出完後，無幾耐就山洪暴發咁再來。但係最近，兩日，三日。我日日都食大量瓜菜，都無補於事。好似昨晚，三日冇貨出，到半夜蠢蠢欲動，要去開大號。存放左咁耐，當然乾過餅乾，費盡內力先至迫得佢出。趕左佢出來，當然要同佢對質，你做乜咁曳！一望，原來係高過水平線。原來呢幾日積左咁多貨。

既然呢排咁多阻滯，個收音機都係唔好攪住。等多幾日再算。

順應天意，才是大智大慧。