無話可說

工作處有個新入職日更同事，非常年輕，綜合佢自己講，和聽別人講，原來讀到中五讀唔上，連DSE都冇考，走去做汽車維修，但試用期都過唔到。佢自己話師傅唔教佢野，咁佢又點識做呢？但聽人講，佢師傅叫佢遞士巴拿，佢就遞螺絲批。

佢話自己本身對手機遊戲程式開發有興趣，我問佢數學好唔好，原來唔及格。冇野講。

上星期佢吟吟尋尋話早成十日申請，十四號都攞唔到假。我話，你都見六月份更表五月尾就出，你要放假上個月就要申請，更表出左，就算醫院醫生都唔可以輕易改。佢繼續自言自語，十四號攞唔到假。

第二晚見佢黑口黑面，吟吟尋尋，根本唔知佢講乜。我問佢乜事，佢講左唔知乜，只聽到辭職。到此我定性呢條友係黐撚線。

今日上班，和日更同事吹水，講起今日警鐘誤嗚，條友仔又射波，唔夠人，個個疲於奔命。

原來條友仔十四號放假目的是接機。邊個呢？LiSA。佢攞兩日病假，今日接機，明晚聽演唱會。

佢竟然同上司講為接機而請假。。。

現在更擺到明詐病去玩。

更有趣的，佢老豆都在此公司此部門做，返總部那邊。

完。。。