今天的我可憐還是可憫

今早收工，買了幾片方包，兩件急凍豬扒，四罐啤酒，就回家休息。

本想繼續攪衛生，但經過一夜工作，乜都唔想做。隊下啤，然後解凍和醃好豬扒，做份笳蛋治，食飽就去睡。有乜都醒來再算。

到三點幾醒，慵懶的我，沖茶飲先。坐下坐下，又夠鐘煮飯。食完飯，嘿，又冇攪衛生。唔得，點都要扮做野。弄濕抹布，隨便擦兩擦，自我滿足一番，算有交待。

辦妥一切就上班去也。經過信箱，仆街了！有綠色炸彈。雖然我人工低，但係一千幾百都係好大負擔。心掛掛咁開工，做完要做的事，坐低去面對。

上網查詢，哦！稅局有個計算機，估算過去一年的收入，輸入，撳掣。

咦？唔駛交錢喎。

又悲又喜，喜的是唔駛頭痛籌錢交稅，更悲我搵得少，冇資格交稅。