忙碌的一天

星期日，日以繼夜的眠，但因為要洗衫，校了鬧鐘五點起床。香港人生活就係咁，無論幾點鐘，都有其他人洗衫，有時仲會遇上易服癖。洗完又要乾，趁呢個時間，走去公園用免費威輝上網更新軟件。到攪掂晒，已經七點幾，安置好立即上城門水塘。

上星期因為大雨而冇行，今個星期老虎就老虎，幾大雨都要行。

落雨有樣好，就係冇咁熱。六月份，本應天氣熱，馬會都開始跑黃昏馬，但今年就係仍未熱。

沿引水道行，放鬆身心，任思維隨意發揮。想起清理好抽氣扇和風扇，之後又清洗了大門，廁所廚房的油煙污漬，感覺好大成就。

想到端午節快到了，天文上來說，係陽氣抽升的日子，以往試過在這日狂燒艾草，就可以驅走蚊蟲。今年一定要做到十足，因為最近發覺好多野咬。

想下想下，咦，可以咁樣咁樣執，咁個廁所會企理好多，咁咁咁，大門入口又好得多。。。點解咁多年都想唔到呢？

愈想愈開心。。。返到屋企，沖完涼，又走去眠。好在鬧鐘響都識醒。這兩天，吃飽睡足了。

今個星期，大把野忙了。