日頭講夢

昨晚休息時間，苦苦無法入睡。到恍惚好似睡著，但腦袋裡不停轉。好似幻燈片不停一幕一幕播放。

又似回到了青少年時期，又似最近，總的感覺係好困惑。到最後，肯定是睡著了，夢到兩老，老媽子問我跟唔跟老豆返鄉下見下阿爺，我話得兩日假，咁趕迫，唔去啦。我老豆話，條路正在維修，交通來回都三日，唔好啦！

老豆走後十年以來，只夢見過老豆三次，都係冇乜表情，冇説話。但今次好唔同，笑容滿面，皮光肉滑，一口牙又白又齊。

奇怪的是，我只在八歲那年返過鄉下，因水土不服病到七彩，之後打死都唔再去，父母都冇提過要我去。阿爺在我中學時代過世，咁呢個夢係邊個時空？

跟老豆去見阿爺，十分不祥，我老母真係冇好帶挈。好在老豆話唔好。