夢之洞

昨日搭小巴，個司機食左火藥，一邊開車一邊鬧其他車，怕左你，早一個站下車。路邊有個小童坐在公園椅上，照睇得七，八歲，背包比佢身軀還要大。奇怪，咁細個人仔，自己一人？行到遠處，聽到怒吼聲，回頭一望，原來就係呢個小朋友。聽唔到佢鬧乜，但鬧個唔停，都係走快d。

晚上睇手機，有段視頻係閉路電視片段，咖啡店內顧客和店員爭執，店員用咖啡粉潑向顧客。跟住睇新聞，早兩日一個醉娃和看更阿伯爭執，打到阿伯昏迷入院，終於不治。

今日下午起床，天氣好熱，本來想去買送，都係唔好，不如修理收音機。網上睇到教學，開左蓋，用螺絲批轉下就得。但係我就唔成功。

點解兩部機都同樣壞法？連同早前手提電腦，幾件野都係擺到瓜柴，條氣唔順。回想當初，兩部收音機都係十年前買，應該是七十年代產物，即係成五十歲。係笑喪了。而且，我都甚少聽收音機了。以前的港台古典台係好好聽的，現在真係不知所謂。何況Uncle Ray又死埋，都冇野好聽了。由得佢壞啦。。。只是我計畫的報置，就成泡影了。有些許失落。

上網睇油管，有葉振棠演唱會。原來林振強填了三首歌紀念佢死去的妹妹。我只知笛子姑娘，原來月亮神，夢之洞都係。呢條傻佬真係癡。

睇夢之洞的歌詞，所描寫的，有點像西方極樂世界。總之就不再苦痛，再無失去的痛苦。

又令我想起，呂祖救苦救難神咒的頭兩句，至心皈老祖，求脫人間苦。

做人都咁多苦，如果死後仲要受地獄之苦，係咪過份左？

想起個笑話。特朗普死後去地獄向魔鬼報到。魔鬼話，有排你受苦勒，不過，見你係總統，有得揀。先帶佢去第一個刑房，只見奧巴馬在內，不停被鞭打。特朗普耍手擰頭。魔鬼就帶佢去第二間房，只見布殊父子受炮烙之刑。又唔制。

帶到第三個房，見到克林頓，萊溫思基在為佢乜乜物物。特朗普立即扑槌，我要呢間。

魔鬼問，你肯定？唔後悔？特朗普話永不後悔。

魔鬼就叫萊溫思基起身，你走得勒。