2025第一大功德

今朝一早，就去買料打邊爐。元旦丫嘛，要食大餐。而且昨日又試情緒濕鳩，暴飲暴食去抗衡佢老母啦。

都好多工序，最主要係解凍，和浸泡。然後切呀切，都成兩小時差不多十一點先可以開爐。都係丸子，餃子，菜蔬，木耳，雪耳，海帶等普通又健康食物，最豪華係買左一包急凍的脆肉鯇魚片，卅九蚊。

淥下淥下，食到肚滿腸肥，情緒上覺得滿足，就冇左低落感。

食到食唔落，仍有大量食材，唯有執好放入雪櫃，今晚再繼續。

食飽左，又唔想訓覺。見今日係新年第一日，先買馬仔。吊！輸左十蚊，唔玩。好啦！攪下衛生啦，吸下塵，拖下地。然後又攪下個廁所，千年污漬，都被我清除。

望見個成果，不得不讚下自己。

今個新年好滿意，希望大家都一樣，心滿意足，滿足整整一年。