心理好唔平衡

今朝收工，回家前去買定今晚食材，在樓下玩下人地隻貓，就返屋企。上樓梯時，遇到食神老豆。寒喧一下，放工呀？落街呀？好耐無見，以為你搬左添。而家出街去上堂呀？

點知食神老豆話，先去拎野畀朋友，然後去打化療針。

哇！大佬，一來就開到咁大，叫我點反應呀？

原來佢早前腰骨痛，以為係坐骨神經痛，上淘寶買晒超聲波呀，脈衝電療坐墊呀。。。點知都係痛。咁岩佢大佬有前列腺癌，引致腰骨痛，就叫佢快Ｄ去驗，因為家族病史不能輕視。結果一驗，好既唔靈醜既靈，真係中左，已經轉移到骨。

佢話好在前列腺癌唔係最毒，不過醫得來，都差唔多囉。

佢應該七十五歲左右，唔煙唔酒，一路有體檢。驗到心血管鈣化，就主動通波仔。有脂肪肝，就減肥，少食澱粉。早餐食吞拿魚，同隻貓兩份。

我都唔識講，只能例牌，保重，多休息，吉人天相。。。

然後心理又開始不平衡，飲酒食煙，麻醉一下自己。