人生如夢

昨日休息，約了朋友隊啤。朋友訴苦，原來二哥個仔，不事生產，敗盡父親家財，現在要靠家人接濟。

朋友父親打拚大半生，建立家業，大約十年前去世，遺下財產，每個子女應該分得冇一千都八百。不到十年，就被個仔敗晒，還有個細女正在外國留學，尚有一年才畢業，現在借都要借來頂落去。

其實雙方都有責任。因為錢在你手，自己知有幾多，冇理由不停供應，攪到最後連養老資源都冇。但係現在追都追唔返，諗下將來點仲好啦。

我聽完之後，心理好唔平衡。人生的際遇，在自己手還是在天？作為旁觀者，可以好輕鬆話人將一手好牌打爛。但掉轉頭，可能自己都係一樣，當局者迷，糊裡糊塗，就鑄成大錯。

咁複雜的問題，想到頭大。所以散場後，再買啤酒回家自隊，結果飲到嘔，今朝連假日行山都冇去。但係得出一個結論，唔好想。反正太多事唔係理性分析就有結果的。