已錯過了你的生日

今日訓得非常好，下午三點才醒。起來傭傭懶懶的，乜都唔想做。但係心中記掛住一件事，就係買碌柚葉洗屎忽，頭等大事，不能輕忽。提起精神，落街去。

樓下街市唔知有冇得賣，如果冇，就要長途跋涉去大街市。哈！又有喎。不過貴過買菜，一支就要六蚊。

返到屋企，立刻開工。一不做二不休，順便洗屎坑。廁所長年潮濕，霉漬不少，先用生化武器對付。搵個噴壺，注滿漂白水，一比零，純漂水係咁噴，稍候片時，再用水牙線去用強力水柱去射向污漬。未敢講完美，但係呢個千年污垢，去掉七成。年廿八再做多次，新年就有無菌新屎坑。

跟住就煲柚葉水。不知幾多年前，煲柚葉係有陣清香，但係現在，只有色而無味。希望功效冇減啦！

先用來泡腳，氣血運行，體溫上升，毛孔就擴張。再沖個熱水涼，老泥特別易清除。洗完心曠神怡。

希望新一年，衰氣走晒，無災無難，事事稱心。

其實買碌柚葉都唔易，我都要到好大年紀先知去邊處買。答案已作提示。