報應來得快

我成日要對住不同的工作夥伴。某日，呢個柒頭，睇樣都唔開胃。到我去接佢更，佢休息，條友竟然拎左張膠櫈走。個更亭有一張辦公椅、一張膠櫈，你做乜拎走佢？

咁，我就叫佢，喂！喂！喂！佢頭也不回，又唔回話，就拎住張椅走。我大叫一聲：喂！佢先至回一句：我一陣拎返來。

到佢休息完畢，返來接位。我就問佢，你好鐘意呢張櫈咩？佢話：張辦公椅有虱咬。我話：咁你拎走左，我點呀？

佢竟然話：唏！你做乜唔講喎。

我吊你老母，我叫你，你唔啋，而家仲話我冇講？

＝＝＝

唉～～～真係難對付。

後來，我想起了。

平時我飲啤酒，積積埋埋D啤酒罐，就一個膠袋拎去垃圾站掉。曾試過幾次，有大媽從後呼喝：喂！喂！你D罐唔要呀？

我吊你老母啦！你問我攞野，仲要咁冇禮貌，喂喂喂！仲衰過叫狗。我吊你都費事。

＝＝＝

呢D就係報應。人地喂喂喂！無論佢有冇禮貌，你唔應佢，對方就覺得你係仆街。

結果，我對一個仆街喂喂喂！佢唔啋我，咪就係報應囉。