鬼鬼崇崇

而家D人，真係小家子氣。以色列去偷襲人，話係乜鬼先發制人，pre-emptive strike，伊朗都唔好得去邊，只話要報復。美國仲仆街，出口術，話兩個星期內有決定，一個屈尾十就去打人。咪仲衰過日本當年偷襲珍珠港？

乜宣戰呢兩個字好難講出口咩？連俄羅斯早幾年打烏黑蘭，都係話特別軍事行動。

飛彈來飛彈去，仲唔係打仗？唔通係打返場友誼波？一個二個，都係無蛋匪類。

＝＝＝

唔好理人，理掂自己先。

又瓜一件啦！唔係死人，係死左隻智能手錶。上星期沖完涼，隻錶就冇反應，而且開始發燙。等幾日由得佢休養下再試，都係冇反應，決定拔喉。之前藍芽耳機瓜左，一直未掉，抱住些少希望，可以修理。今次兩件壞野，上網搜尋下如何修理，覺得係我能力範圍以外。如果拎去搵人整，一定得不償失。於是一氣過掉晒去垃圾站。

咁都好，可以將手機、電腦的藍芽關閉，減少電磁波，對人體傷害會少D。

對於呢類電子產品，得出一個總結。以前電腦場成日講，早買早享受，遲買平兩舊。其實係氹你落搭。記否當年出MP３機，賣成千銀。一個做電子零件的朋友講，三百啦！果然好快就平到三、兩百就有交易。到現在，消失到無影無踪。

最搵笨係SSD，最初的版本，根本係劏水魚，因為有關技術比較複雜，不詳細講述了。

到現在的電動車，愈來愈平，充電又快左，續航又耐左。二手車根本冇價冇市。早買就戇撚舊了。

但係今時今日，買燃油車又好似好笨實，咁都係乜撚都唔好勒。