一日狗公，一世狗公

工作地點，有條友辭左職。我聽其他人講，佢半年內，辭左三次職。辭完職，又話，我想繼續做。一次又一次。結果昨天最後一日。呢條友，咁樣彈弓手，人人都睇唔起佢。但係我最睇唔起佢，係上星期。有個替更，係年輕少女。我上班接更，少女落更。咁我就在閘口抽下煙。狗公走出來，問我少女去哪？

我話，咪呢條樓梯落左去囉。

狗公行向樓梯，望下望下。我話：你有事要搵佢？唔快D佢就走左勒。狗公冇動作。好奇，就問：唔係有事要搵佢咩？狗公話：冇呀。我驚佢唔識收工。我問：替更者，你怕佢唔識上班啫，佢剛才都交晒對講機，咁咪落左班囉。點會驚人唔識收工？

狗公無言以對。

狗公，你都六張有突，人地廿歲年華，你又唔驅風，自諒下啦，講到出口，你就冇癮啦。

＝＝＝

如是想起，以往都見唔少狗公。

太監陳就係大狗公。當時個HR經理，肥到個蠆似，就係一個蠆。有日著件上衫，背脊腰間有個三角位露出少少肉，太監陳就眼甘甘望到天荒地老。

又係同一公司，個老屎忽，仆街成。自恃冇人識佢主持的工作，就囂張成性。佢對男同事就牙斬斬，但係對女同事就不論老嫩，都笑口噬噬。

咁當然啦，上有好者，下必甚然。個仆街老細，對個臭西女經理，乜都係係係係。

＝＝＝

因為我年紀老邁，愈想愈多呢種狗公事件，不容盡錄。

引證返現在連登睇到的年輕人POST，話女人都係雞。哥仔，你檢討下自己啦。

＝＝＝

何伯就係實證勒。