笑撚死我

 昌師傅拍左好多段片來講呢單野，總時間都好長，但係因為睇得開心，一點都不覺得沉悶。

＝＝＝

＝＝＝

標題係連環爛尾乜乜物物事件，但係我覺得應該叫做攞嚟賤事件。

長話短說。有個AMY，有間樓要裝修，搵左第一個師傅去做，但係一邊做就一邊嫌三嫌四，認為自己被人搵笨實，就上FB訴苦，求意見。咁就有第二個師傅撲出來話可以幫佢攪定。並且同佢去挑剔第一個師傅的手工。

師傅一當然係老粗一名，你嫌三嫌四，吊你老母計數埋單唔撚撈。咁師傅二就名正言順接手。事情發展得好快，正確來講係收錢收得好快，收到AMY要再問銀行借錢去找數。再落去賣淫都攪唔掂，先察覺呢隻係正正式式的狼。

AMY親口話，假若一手一腳由師傅一去做，最後都可以完工，只係有些不滿。但係如今，間屋變成一間爛屋，錢又倒晒落海，喊晒口。

我咪就係覺得好笑在呢處囉。

＝＝＝

昌師傅話：好多人留言鬧AMY係傻西。佢話蠢唔係罪，你話人蠢，希望他朝君體也相同。

我又唔怕有咁既報應呀！你畀間樓我丫，我裝修到豪宅咁添呀。

＝＝＝

傻西呀傻西，你又唔識，人地煽兩煽，你就當人係賊，呃鳩你，反晒面。你要終止合作，人地咪終止囉。咁唔算爛尾喎，係你唔畀人做咋喎。你自己做決定，你自己要負責喎。

所以呢處我都唔幫昌師傅。昌師傅，你錯左。

傻西被騙金錢，樓又變成爛樓，原本師傅一做落的都拆埋，仲沒完沒了等法律程序。最好呢，最後任何法律都幫你唔到，繼續對住間爛屋，日喊夜喊。

呢個係對你又識條柒、又聲大大的最佳回應。