欺人太甚

現在個情況就好似咁，有條柒頭話：你有周周，你將會強姦我屋企的女人，於是我要打柒你。但係，你又有周周，咁你唔會強姦人地女人咩？

以色列就係咁樣發神經，就去打伊朗。當然啦，一切都係莫須有。發展下來，柒朗普開頭就話，伊朗你要經和談來解決問題。跟住又發癲，你要無條件投降。

你老母臭，本來安排好會談，係你條靚會談前突襲，你仲好意思講會談？而家爛到出面，就講惡，要人投降。呢個世界真係最怕遇到癲佬。

最難攪係現在要做假太容易，你話炸到台拉維夫，佢話你老作。都唔知邊樣真。不過有幾樣野可以推斷出來，柒朗普發難渣，即係伊朗唔易對付。中國叫僑民離開以色列，應該真係炸到以色列。

其餘，又話也門胡塞炸鳩以色列，巴基之友撐伊朗，真係聽下好勒，唔知邊樣真。

＝＝＝

老人家或者記得，幾十年前，黃元申，趙雅芝，黃錦燊攪男女關係攪到七國咁亂。黃錦燊講左句：讓時間證明一切。

我地都應作如是觀。

＝＝＝

繼續以食神心法去行事。

最近我做了身體檢查。並非搵醫生，因為我最撚憎醫生。我係自我檢查。

第一個發現，係我手指頭發痛。呢個係好事，只因我勤練結他，所以痛。手指頭的皮肉開始變厚，呢個係結他手的先決條件。診斷係、我要每日三次，飯前練，每次十五分鐘，練到我死那一天。

第二係，體重驟降。自從開始了燕麥糠加入米飯來煮，兩個星期體重就降了一公斤。反應好明顯。食完飯後第一小時，係好口渴，要大量灌水。呢個要十日八日適應後先至改善。第二係食唔落飯。平時我係一嘜米，大約兩碗飯。但係食完第一碗，就食唔落第二碗。攪到要拎去煲粥，做第二朝的早餐。

最大問題係，食唔落呢個感覺係好差的。平時明明係食呢個份量，現在要減半，唔識形容。衍生另一個問題，就係腰圍縮減，成日甩褲。要搵方法將條皮帶打多個孔。

＝＝＝

健康重要，因為你要長命，咁先至睇到班仆街一個二個仆街死。

每死一個仆街，就劏一隻雞來還神。白切雞，豉油雞，炸子雞。。。食個不亦樂乎。