要感恩，不要抱怨

射膠平台成日有D短片，話你而家咁窮困，係因為你不懂感恩，成日抱怨。傻啦！講得到喉唔到肺。我話既：的確係要感恩，不過，不要抱怨，抱怨就錯勒，而係再去多一步，吊佢老母，打到佢仆街冚家剷。正不正之風，驅歪邪之氣。

一把年紀，經歷過的，總結出好多不懂感恩的人和事，呢班人，不但不懂感恩，仲以為自己今日揸旗，就可以話晒事，為所欲為。結果連累無辜。

＝＝＝

好似我樓下多年前的茶居。老闆娘在街市熟食中心投到舖位，做街坊生意，可以低價就提供一個地點，讓街坊朝早可以飲下茶，食飽個肚就去開工，慢慢做出成績，有班熟客。但係老闆娘年紀漸大，身體毛病浮現，　就安排個姪和姪女來幫手。可能係重男輕女，安排個姪仔肥仔全來接手，姪女阿蓮，見到咁不公平，自然就退軚，留返肥仔全一個來玩。

到老闆娘覺得一切可以交托，就自己全身而退。肥仔全呢，真係叻到無倫。各方各面去剋扣開支，來增加利潤。最攞命係熱水爐都唔開全力。大佬，茶居沖茶，水溫僅可以用來沖涼，咁點做呀？我幾次暗示水唔夠熱，我等水滾先來幫襯啦。佢仲反暗示，話最近新聞講，飲熱茶會引致食道癌。吊你老母臭西啦！茶太熱，我會攤凍先飲。但係你水唔熱，點沖茶呀？你要慳電費，增加你利潤，有冇想過，客人為乜要再幫襯你？

你只係因為你姑媽咁多年來，打好個基業，吸引了一班老顧客，每天來光顧。客人唔係欠你債架，唔係傻仔，任你宰割架。你乜撚本事都冇，你冇做過任何野，去令呢個基業穩固。但係你就想劏左隻生金蛋的鵝。

結果，客人漸少。最後，颱風山竹來教訓佢。當日冇開檔，但係吹毀了設施，肥仔全在維修時跌斷手，結果，間茶居就此完結。自己攞嚟賤。

＝＝＝

第二單，當然又關我地好朋友太監陳事啦。呢間公司，民國未成立，就已經存在，有國家撐腰。點都好，都係經過成百年的前人投入，先會打好基礎。無論個基礎係堅如磐石，定係古老腐化，都唔係呢一代人憑空打造出來。

太監陳個老細，就係因為有前人庇蔭，做得夠耐，冇其他人爭，先會上位。但係德薄而位尊，加上寵信奸侫，只做假大空的門面功夫，實質就專注迫走對佢地位有威脅的員工。

我做左不足一年，都睇得出，你間公司得以生存，都係因為國家任務，全部國家機構都要幫襯你。咁多年來，只有兩間，唔係因為呢種關係而獲得生意。

全公司上下，都行屍走肉，哦！有人來屙突呀？咁咪扮晒野，呃呃騙騙囉。

＝＝＝

第三單。八，九十年代，無論哪一行，挖角潮都嚴重。我當時轉新工後發現，又係因為之前的老細，被大公司挖角，帶埋一班得力助手去跳槽。所以現有的，都只係SECOND　TIER。冇人要，才留下來。

不過唔緊要丫。我地做得好，人地睇見恨得咬牙切齒咪得囉。但係個老細真係吾爭氣，上到位都唔珍惜機會。或者講，佢太識把握機會，利用職權去謀私利。追究起來，可以坐監架。

結果冚包散，成個部門散晒。

＝＝＝

冇，講咁多，都係借以往的不平事，去吊鳩柒朗普。抒發下自己條不順之氣。前人打下根基，你走來檢便宜，乜都講成你天下無敵。

星期六就係NO　KING＇S　DAY，睇你點玩。