鬆毛鬆翼

今晚休息，下午訓醒，出去附近個狗竇行下，真係被我見到一隻MALAMUTE，隻野可能年紀唔細，無厘神氣。

行左一輪，就買幾罐啤酒返歸。開著電腦，摷返D歌出來聽。我都唔記得幾耐冇聽過歌。以前花在買唱片CD的錢，加埋可能可以畀首期買樓。

不過最奇怪係，點解會有興趣聽歌。由紫釵記，到PINK　FLOYD的THE　WALL。。。

我相信，係因為最近睡得好，腦內的多巴胺，黛安芬，乜乜物物化學物質回復正常。

點解？我估都係因為隻豬能手錶瓜左，咁就熄晒所有藍芽，少左幅射，因此睡得好。

我冇科學證據，都想唔到有乜科學方法去驗證。但係我係覺得好左，吹咩？

如果你有興趣，你都可以熄左藍芽，唔好用藍芽手錶、耳機。。。。試幾日，睇下有冇效，話返我聽，然後我去申請諾貝野乜乜物物獎。