徬徨迷茫年初八

年初四買了結他，愈想愈覺得選擇正確。舊結他又唔就手，又唔岩音，彈首歌冇忽似，咁又點會有動力練習呢？現在呢支就好得多，指板寬度適中，冇咁易按錯，音準及格，弦高又合宜，有心機練勒。

另方面，個鍵盤搵到個合用的軟件，連上電腦，輕易變成鋼琴，或其他樂器，好好玩。網上資源眾多，今朝學彈John Lennon 的Imagine ，原來好容易。慢慢摸熟個軟件，成首歌彈出來都仲得。

一切好似美好的時候，收到公司消息，合約到期，新約有兩個選擇，相信係因為468新例的緣故，總之兩個方案都令收入減少。當然，仲有一個選項，係搵過另一份工。

唉！咁就煩了。心神散亂，結果煮飯時淥親手。好在不嚴重。

真係一啖砂糖一啖屎。

又應了我的一個觀察，政府專係玩鳩市民，吊佢老母。