儀式感

我份人就冇乜儀式感，過年唔會擺全盒，冇年花，唔會著新底褲，連大掃除都側側膊。

不過有樣儀式就一定要做，就係劏雞還神。好似紫釵記入邊、霍小玉話頭：除左求仙、求佛，仲求得邊個為我代抱不平丫～～～

所以，當正義得到彰顯，個天開眼，就一定劏雞還神。

今日係二零二六年二月九日，上午十點，法庭終於判刑，黎智英入獄二十年。

在此，我呼籲大家一齊禱告，集大家力量，用念力祈求黎智英長命百歲。佢今年七十九，要有一百歲命先可以坐足廿年。

＝＝＝

又，之前班笨撚柒咪好興乜鬼寫信師，叫人寫信畀獄中手足～～～不如大家都寫信畀黎智英，話佢聽梁家傑現在活得很自在，成日遊山玩水，PO上FB；郭榮鏗、許智峰在他邦生活優悠自在；朱凱迪已經放監出來。。。

＝＝＝

暫時想到係咁多。。。丙午年真係好事陸續來～～～