新年遊記

卅一日，一早收工，就返屋企換衫，然後出發去西貢，由北潭凹行去赤徑，再沿路返回。缺乏運動的我，行到死死下。

一月一日，一早起身，食過早餐，就搭車上大帽山，行上臥雲石，就夠晒皮，原路折返。

今次係刻意大力鍛鍊，因為左腿出現痺痛。開頭懷疑係臗關節問題，但似乎又唔係，而係血氣運行欠佳，所以特登操下。今朝起身，果然有好轉。看來要多多運動了。

===

新一年會係乜環境，我真係唔識。聽聞碧科去年招聘的畢業生，都叫佢地年尾先上班，照睇應該會係好惡劣。但係香港人依舊博命去旅行，我真係唔明解。

幾十歲人，經濟上上落落，都見過好幾次。見過有人因買樓而破產，亦有人執到平貨而大講風涼話。個樓市要升，唔會因政府出辣招而停，要跌，政府減辣都救不了。

富貴窮通，可能真係命數使然。最緊要係吃得落，睡得好，其他乜都係假。