浪子心聲

浪子呢個名詞，已經勾到不得了，十幾廿年前，我仍然外出飲酒的年代，酒吧餐廳內有個男侍應，出名有臭狐，出名冇女。佢話，我冇女，因為我係一個浪子。哇哈哈，笑到我跌左落地。

＝＝＝

最近聽到電台節目，陳少寶訪問黎彼得，講返呢首歌的歌詞創作歷程。主持人當然吹捧到天上有啦，不過，大家睇下第二句，人面多險詐，有冇問題？聽左咁多年，梗係冇問題。其實，一向只有話人心險詐，人面險詐，你睇得見，就怕佢有牙麼。一定要扣佢一分。咁，總體一百一十分，扣佢一分，仍然係上佳之作。

到今時今日，再聽返，要畀夠百二分啦。第一句已經攞左九十分。難分真與假。鬼唔知阿媽係女人咩。但係怪事年年有，每當有事發生，呢句話就應棍勒。吸毒唔好呀！戒左佢啦！但係歛財冇問題喎。。。

唉！難分真與假。

＝＝＝

第二句，人X多險詐。令我想起少年時往事。

唔記得有冇講過，我中學時代，係學校劍擊會會長。當年，尖沙咀諾仕佛台有間名校，出晒名，囡囡嬌俏，條裙短到呢。。。

不過有樣野，大家唔知，佢地劍擊係好堅架。長話短說，咁我地就由西營盤殺過尖沙咀去友賽啦。就好似少林足球入邊咁，佢地個教練就做裁判，我地一班學生哥，以為大家切磋切磋，學習學習咁。

比賽開始，互有勝負。到某一回合，對方有個肥肥蠆蠆的運動員，一來就出一招笨柒加個COOL，伸直隻手。劍擊中，誰伸直手就誰係主攻，但係呢個係教科書的教材，只要你用一招湯馬仕大迴環，撩開佢老母把劍，直取佢老母要害，咁就攪定。我方隊員如此這般攪定佢。咁佢地個教練就走出來發UP風，講一論廢話，然後就數落我地隊員邊樣唔得，邊樣唔掂。講到大家都頭暈。暈未？好，再賽。總之就係咁，我地一佔上風，佢老母臭就用呢個方法來打窒我地。結果我地打完輸左之後，一人飲左一支維他奶就走。

又有一次，係聯校比賽。我方對某中學。大家知，黃大仙祠在哪。外面條大馬路叫LC道，沿此路上，有間LC工業中學啦。比賽期間，發覺裁判叫停後，對方總係要隊你一劍。我地梗係叫有冇攪錯呀？！經常係咁，我方隊員被對方隊，就用手格開。個裁判就話，唏！你唔好用手呀！

個裁判係腳有問題，兩隻鞋，一隻係極厚底。少林足球都有講，跛都可以練武功啦！咁，其實，原來，佢就係呢間龍翔工業中學的教練。扺佢跛囉！人地話，盲精啞毒跛招積，原來佢仲昇華到陰毒兼面目慈善。不過現在佢應該死撚左，希望佢死得其所。

＝＝＝

回轉頭講，呢首歌關撚浪子唔浪子事咩。不如叫被搵笨柒心聲啦。