無敵

話說樓梯間掉垃圾的賓賓，被我當面鬧過後，好不了一個月，又試故態復萌。抵唔住頸，一見有垃圾，我就拎去掉在佢門口。每次都有效一星期，之後又亂掉。

我諗，七日，佢就忘記一切？呢個人個腦係點構造。

我感覺到，我應該唔好再理呢件事，我有預感，我會因此惹官非。如此這般，佢又日日掉垃圾。我都叫自己唔好理。

呢戶人家，有兩個小女孩，平時會在梯間玩耍。今日出門上班遇到，我又抵唔住頸，問，小朋友，你地有冇見到邊個在此掉垃圾呀？

戶主阿八婆在屋內聽到，立即撲出來，馬上撇清關係，我地好乾淨架，唔知邊個亂掉垃圾，仲有時掉在我門口，一定要報警拉佢。

我指桑罵槐，話呢種自私精，一定要拉佢，罰佢三千。

===

無恥就無敵，你邊夠人玩丫。

通常，初見面就話我份人好隨便，乜都無所謂架。呢d就千祈唔好得罪，雞毛事情都嬲你一世。

做生意話自己唔會斤斤計較，其實就係斗零都唔畀，要你免費為佢做。

阿八婆講得理直氣壯，七情上面。我睇，我只好屙篤屎，掉在佢門口。

===

有個讀社工課程的，去一間中學實習，但被老師們聯署要終止佢。

原來，條友成日網上直播，實習前一日，開咪講佢叫龜的經歷。

點解佢覺得自己適合做社工呢？

咁又唔奇既，老師都有教學生，鴉片戰爭係英國人來打救中國啦！正生校長，輔導吸毒仔吸毒妹，要戒斷毒癮，冇話唔可以cap水呢！