不過年紀大了，知道自己能作主的事，實在不多，冇話事權的事，就交給天地作主。敬如在，於是買舊豬肉，表示尊重。
十二月的寒潮期間，有一晚訓覺時，對腳冷冰冰，寒氣一路凍到條腰，冷得我騰騰震。自此都穿上厚襪才訓。呢d 就自己能作主的，你唔做，就抵冷死。
另一樣就係，根據經驗，過年前後，就會無名腫毒發作。以前唔知點解，只知新年流流，身體唔妥，就大吉利是。而家知勒，所以呢幾日食左兩劑龜苓膠，清一清血毒。
食完之後，嘿，仲中埋個特獎，尿頻問題改善了！真有驚喜。
還有一樣好重要的，明知，但做唔到，就係控制雜念。成日滑手機，其實好多壞處。平時開工，查實冇乜野做，太得閒，好易就摸手機。好多時都係接收了垃圾資訊，真無謂。
其實最好係練習數呼吸，消滅雜念。不過，數下數下，好易訓著。。。
沒有留言:
發佈留言