幸福滿滿

我係咖喱牛腩的忠實粉絲，但現在都搵唔到一間好吃的食肆。咁自然想自家製作啦。

凡事都要循序漸進，於是試做清湯腩先。嘗試階段，梗係用急凍貨來練習。搵到最平的，卅八蚊一磅的牛肋條，星期六就買定放雪櫃解凍，星期日一早，就買埋其他料，做場大龍鳳。

過程不用細表，單係加入的香料，花椒八角，甘草，草果，香葉，陳皮，陣容龐大，未食都覺得滿足。我邊飲啤酒，邊企定定睇住佢熬，真係唔捨得食。

咁始終都要食，牛味有所不足，下次買較靚的牛啦。食到肚滿腸肥，就走去眠。之前話多夢，終於買了天王保心丹，食過後果然睡得好。如是者半夜醒來，精神清爽，又想食。就將牛腩返熱。呢個時候，突然覺得好幸福。

睡得好，吃到想吃的，夫復何求？