長舌

上星期做左兩件錯事。第一，係睇柒朗普國會講話。無非係自吹自擂，一個人唔怕人笑，咁就冇人奈得佢何。如此就浪費了我人生的兩小時。

第二係睇左翁女俠的佛門黑暗事件簿。翁律師開一個題，立即有各方頻道一齊撲出來抽水。靠學是非來搵食，不值得提倡。

不過都引證了一個命題：但凡講野講到冇停口，但又左兜右兜，冇條理，重複又重複，一味博大霧。。。呢種人一定係仆街冚家剷。所以，呢件事當中，冇個好人，我話既。

其中以黃埔賣擔擔麵個羊太最仆街。佢滿口讚美，阿乜水你又靚女，又能幹，學識淵博。。。我好欣賞你，仰慕你才華。。。就算你唔當我朋友，我都當你係我朋友。。。

呢個一定係衰人，賤人。

大家一定有遇過呢種人。起碼你見過柒朗普啦！我和普京係好朋友，佢係一個偉大的人物。換了習近平，又係同一語調。事實係背後篤你屎忽。

咁柒朗普係何等人物，呢世都唔會遇上。但係一世流流長，實會遇到又冇撚用又賤格的仆街，事情一定會變得很醜惡。得罪小人，後患無窮，所以最好就扮傻，哎唷！我急屎喎，我走先。