計劃，係用來取消的

上星期，被迫放了一星期的假。

本來打算遊山玩水，操下體能。點知突然肚痾，痾到頭赤腳軟。食左兩日白粥腐乳，先痾清楚。

先試下水溫，上城門行個短線。見平安無事，第二日就和朋友遠征。總算玩左一日。以為已經痊癒，點知第二朝又絞肚痛。

只好疊埋心水，在家休養。抖了兩日，都食得清淡。之後上班兩日，都唔敢食太肥膩。

烽頭火勢時，攬住馬桶做人，唔會多想。過後回首一望，一星期如此白費，好不甘心。不過當時都別無選擇，只能由他沖進馬桶啦！