信自己

網上睇到好多資訊，好多都無法證實真假。例如有一個視頻，有個所謂專家話，打左mRNA疫苗的人，三至五年內就會死。講左好多專業名詞，好多理論，但我識撚咩。

有d係無關痛癢的，例如貓咪的行為。佢話貓咪半夜叫醒你，並不是要你餵食，而係佢地每次睡眠時間很短，見你訓左咁耐，驚你出事，所以叫醒你。

我家都養過不少貓，都唔會叫醒人，只會上床睡作一氣。

又說你每次回家，貓咪都在門口歡迎，因為佢以為你係外出打獵歸來，睇你有何收獲。呢個講法非常可愛，但係貓並唔係咁蠢，你次次都空手而歸，佢都懶啋你啦。

係咪班仆街為流量，語不驚人誓不休啦？都好有可能。因為大多都有反高潮，反常理，包拗頸的結論。

但係有篇野，都好有道理。佢話現在有兩個人，在同一環境，所有條件都相同，一個心理狀態正常，另一個則非常迷惘，困擾，感到痛苦。咁迷惘的一個，係咪精神有問題，心理質素差呢？咁又未必。

舉例，兩兄弟，在家暴環境下，困擾迷惘先係正常。開開心心的，可能已經黐鳩左線。

所以，大多數成年人都迷惘困擾唔開心，其實咁先係正常。

其實係非常常見的情況。職場中，生態環境本已非常toxic，但為生計而勉強留下了。繼而扭曲自己去適應環境。。。壓抑住的負面情緒，轉化為同工之間的自相殘殺。

一個正常人看到了真相而離職，其他人反而話佢承受不住壓力，係弱者。留下來的人，永遠唔會承認自己已經蒙蔽了心眼，所以冇得拗，你教精佢，佢仲笑鳩你。

除非佢到最後發覺不行了，一走了之，方會承認，係你有正知正見，和先見之明。

咁成件事變成，係你有問題，還是其他人有問題？Are you still sane?

只能信自己。