閱女無數

今日去搭綠van，條龍有三人，我排第四。冇車到，又有幾人在我後面加入。

呢個時候，有個大媽來到，在站頭的椅坐下。我一睇就知係想博懵的人。

到有車到來，條龍已經十幾人，一車載唔晒。開閘上客，大媽起身有所行動。我牛咁眼望住佢，佢行至我身邊，見我唔多友善，就示意我上先。咁即係想在我後面插隊啦！

我用溫和的語氣，但嘹亮的聲線講，你唔好打尖啦！佢竟然厚面皮地講，我唔會打尖既。

呢樣係從小紅書的短片學的。將個人矛盾，升級成群眾的矛盾，咁就有群眾對付呢挺人。

後面個大漢一輪嘴粗暴對待大媽，大媽只好死死地氣又坐返低，拿返渣沙，我唔恨搭呢班車。

我在車上望住佢，打算佢一望過來，我就揮手道別。算佢醒目，抬頭望天，免了多一次瘀皮。