些汪通連

昨晚開工，辦妥正事，就開始網上漫遊。睇到段短鬼佬短片，講serotonin，血清素。呢家野，在腦內令你有幸福感咁話喎。佢話：如果有人對你行好事，act of kindness，你腦內的血清素就會增加，就更有幸福感。更甚的是，對你行好事的人，腦內血清素都會增加。唔特止，傍邊阿茂阿壽，見到你地咁，佢腦內血清素都會增加。即係話，大家都幸福滿滿。　所以，以前乜鬼六一八，華東，乜鳩野籌款，大家一齊科水，陳寶珠炒飯，就算齋睇冇得食，都會有幸福感。

很巧，第二段片，就係莫扎特鋼琴協奏曲第２０，聽到我幸福感滿滿。由此想到，一些正面的事和物，令你腦內有化學反應，從而有幸福感。

有正有反，自然有些事，會令你沮喪，憤怒。或者現代科學尚未搵出係乜野化學物質會令人沮喪憤怒，但係，有些人就已經掌握了其中要訣。唔駛講，太監陳就係高手，乜撚都話你死梗，結果，佢自己要日夜面對死撚梗的回噬。

我想講乜？你聽下莫扎特鋼琴協奏曲第２０啦！送你幸福，令你遠離恨你活得好的人呀。